Ezagutzak Partekatuz 2026: Begoña Etayo

2026ko Ezagutzak Partekatuz zikloaren barne. Irakasle eta aktibista feminista, garapenerako lankidetzan eta berdintasunean espezializatua. Desgaitasun intelektuala duten pertsonen hezitzaile eta alfabetatzeko eta lanerako prestakuntzako irakasle egin du lan. Gizarte-bazterketako arriskuan dauden pertsonei eskolak eman dizkie, batez ere emakumeei; eta hamarkada bat baino gehiago eman du Gasteizko Udalean, sentsibilizazioko eta giza eskubideetako programetan. Lankidetza estua izan du Boliviako Mujeres Creando kolektiboarekin, eta Ignacio Ellacuria saria jaso zuen 2012an. Gaur egun, La Hora Violeta irakurketa feministako kluba koordinatzen du.