Korterraza Gasteiz 2026: egitaraua

Korterraza Gasteiz 2026 ekainaren 24tik 27ra izango da. Korterraza Gasteizek bat egin du Gasteizko Martxoaren 3ko sarraskiaren 50. urteurrena oroitzeko ekitaldiekin. Aire zabaleko film laburren eta musikaren jaialdia emanaldi berezi batekin hasiko da aurten; Martxoak 3 elkartearekin elkarlanean ondu du, eta omenaldi-ekitaldien barruan egongo da. Proiekzioak memoria historikoari eta lan-arloko eskubideei buruzko obrei helduko die, 1976ko triskantzan hil zituzten bost langileak eta zauritu zituzten 100dik gora lagunak omentzeko. Emanaldia ekainaren 12an egingo da, 22:00etan, Martxoak 3 plazan, eta, lehiaketako gainerako jarduerak bezalaxe, doakoa eta herritar guztientzat irekia izango da. Omenaldi-proiekzio berezi horrek emango dio hasiera Korterraza Gasteizen 17. edizioari. Jaialdia ekainaren 24tik 27ra bitartean egingo da. Iaz harrera ona eduki zuenez, lehiaketak berriro egingo du Korterraza Euskara sekzioa, Izaskun Arrue Kulturgunearekin lankidetzan. Emanaldia ekainaren 24an izango da, kulturgunean bertan, eta euskaraz egindako film laburrak eta haien sortzaileak izango dira protagonistak. Ekainaren 25ean, osteguna, jaialdia ohiko tokira mugituko da, Artium museoaren kanpoaldera, film laburren aire zabaleko proiekzioekin eta kontzertuekin. Ostegunetik larunbatera bitartean, 18:30etik 23:45era, ikus-entzuleek azken urteko film labur nabarmenenez eta kontzertu interesgarriez gozatuko dute. Ekainaren 26an, ostirala, haurrek beren unea izango dute Korterraza Txikiren emanaldiarekin, Artium museoaren auditoriumean. Lehiaketa abuztuaren 20an bukatuko da, osteguna, Artium museoaren barruko plazan, Korterraza Sensibilizaren emanaldi dagoeneko tradizionalarekin. Korterraza Gasteiz 2026 – egunez egun, ordutegiekin Ekainak 12 – Martxoaren 3ko plaza 21:00: Handicap 22:00: Korterraza M3moria proiekzioa Ekainak 24 – Izaskun Arrue Kulturgunea 19:00: Pelax 20:00: Korterraza Euskera proiekzioa Ekainak 25 – Artiumeko barne plaza 18:30: A Contra Blues 20:00: Moonshine Wagon 22:00: Inaugurazioa 22:05: Proiekzioak Ekainak 26 – Artium 18:30: Susan Santos 19:00: Korterraza Txiki, Artiumeko auditoriumean 20:00: Julián Maeso Sextet 22:00: Proiekzioak Ekainak 27 – Artium 10:30: Jardunaldi profesionala: La comedia de Teresa Bellón y César F. Calvillo 12:00: Kokito eta India, haurrentzako antzerkia 13:30: Eder Portolés 18:30: The Soulbreaker Company 20:00: Sex Museum 22:00: Proiekzioak 23:30: Amaiera, Lander Otaolarekin