Mungiako San Pedro Jaiak 2026: egitaraua

Mungiako Udalak, Jai Batzordearen bitartez, 2026ko San Pedroen programazio osoa ezagutzera eman du, ekainaren 26tik uztailaren 5era bitartean herriko kaleak musikaz, kulturaz, kirolez, tradizioz eta adin guztietarako jarduerez beteko dituen proposamena. Mungiako San Pedro Jaiak 2026: egitaraua (pdf) Mungiako San Pedro Jaiak 2026: kontzertuen egitaraua (jpg) Egitaraua ekainaren 26an hasiko da, ostirala, Gazte Kantu-Birarekin, gazte jokoekin eta txosnen esparruaren irekiera ofizialarekin. Larunbatean, hilak 27, haurrentzako jarduerak, Kubako herriarekiko bazkari solidarioa, tiro lehiaketa, koadrilen Beer-Ponga eta Aurrebeire eta Xiberoots taldeen kontzertuak izango dira nagusi. Igandean, hilak 28, pregoiarekin eta txupinazoarekin iritsiko da jaietako unerik esperatuenetako bat. Herriko kaleak alaituko dituzten erraldoien, dultzainen, koadrilen eta euskal mitologiako pertsonaien musika eta kalejiraren ondoren, Kinttopeko AEK Euskaltegia arduratuko da pregoia irakurtzeaz udaletxeko balkoitik, suziria bota aurretik. Jardunaldiari amaiera emateko Janus Lester eta Leihan Erromeria arituko dira. Hilaren 29an, astelehena, San Pedro egunean, tradizioa, kultura eta aisia familiarra uztartuko dira meza nagusiarekin, ohorezko aurreskuarekin, bertso saioarekin, haurrentzako jarduerekin, pilota profesionalarekin, dantzarekin, fanfarriekin, Pradoko fabrika zaharretik egiten diren su artifizialekin eta Gozategiren kontzertuarekin. Asteartean, hilak 30, San Pedrotxu egunean, familiek zirku ikuskizunak, bilbainadak, mus txapelketa eta Alaiak Mungialdeko Soinulari Elkartea, Gure Ametsa Txistulari taldea eta J.M. Arregi abesbatzaren kontzertua izango dituzte. Kirol jarduerek uztailaren 1ean jarraituko dute Kepa Deuna futbito txapelketako finalerdiekin. Uztailaren 2an, osteguna, Mungia Saskibaloi Klubak antolatutako tortilla lehiaketa tradizionala, futbito txapelketaren finala, playback lehiaketa eta musika programazio bizia izango dira, Amilotx Dantza Taldearen eskutik kontzertuak, erromeriak eta dantza ikuskizunarekin, Alos Quarteten laguntzarekin. Ostiralean, hilak 3, Gazte Bazkaria, kale-antzerkia, bertsolaritza, Gorabide elkartearen "Aquarius" erakusketa eta antzezpena, musika-tardeoa eta jaietako kontzerturik esperatuenetako bat nabarmenduko dira: Su Ta Gar Foruen Plazan. Larunbatean, hilak 4, adinekoei eskainita, meza, bazkaria, erromeria, saskibaloi txapelketak, mariatxiak eta musika eskaintza zabala izango dira, Iseo & Dodosound Foruen plazan eta Beleak, Zilibito Records eta Mirari txosnen esparruan. Festak uztailaren 5ean amaituko dira, igandea, Sukalki egunean, Amilotx Dantza Taldeak antolatutako Euskadiko Sukalki Txapelketaren ospakizunarekin. Txistulariek, trikitilariek eta fanfarriek girotutako jardunaldi gastronomikoak amaiera emango die 2026ko San Pedroei, Marijataren agurrarekin eta udaletxearen aurrean zapiak erretzearekin batera. Mungiako San Pedro Jaiak 2026: egitaraua Ekainak 26, ostirala Gazte Kantu-Bira Gazte jokoak Txosnen esparruaren irekiera ofiziala Ekainak 27, larunbata Haurrentzako jarduerak Kubako herriarekiko bazkari solidarioa Tiro lehiaketa Koadrilen Beer-Ponga Aurrebeire eta Xiberoots taldeen kontzertuak Ekainak 28, igandea Erraldoiak, dultzainak, koadrilak eta euskal mitologiako pertsonaiak Kalejira eta musika Pregoia, Kinttopeko AEK Euskaltegiaren eskutik Txupinazoa Janus Lester eta Leihan Erromeriaren emanaldiak Ekainak 29, astelehena Meza nagusia Ohorezko aurreskua Bertso saioa Haurrentzako jarduerak Pilota profesionala Dantza Fanfarria Su artifizialak Pradoko fabrika zaharretik Gozategiren kontzertua Ekainak 30, asteartea Zirku ikuskizunak Bilbainadak Mus txapelketa Alaiak Mungialdeko Soinulari Elkartea, Gure Ametsa Txistulari Taldea eta J.M. Arregi Abesbatzaren kontzertua Uztailak 1, asteazkena Kepa Deuna futbito txapelketako finalerdiak Uztailak 2, osteguna Tortilla lehiaketa Futbito txapelketaren finala Playback lehiaketa Kontzertuak eta erromeriak Amilotx Dantza Taldearen dantza ikuskizuna, Alos Quarteten laguntzarekin Uztailak 3, ostirala Gazte Bazkaria Kale-antzerkia Bertsolaritza Gorabide elkartearen “Aquarius” erakusketa eta antzezpena Musika-tardeoa Su Ta Gar-en kontzertua Foruen Plazan Uztailak 4, larunbata Adinekoen eguna Meza Bazkaria Erromeria Saskibaloi txapelketak Mariatxiak Iseo & Dodosound Foruen Plazan Beleak, Zilibito Records eta Mirari txosnen esparruan Uztailak 5, igandea Sukalki eguna Euskadiko Sukalki Txapelketa Txistulariak, trikitilariak eta fanfarriak Marijataren agurra Zapiak erretzea udaletxearen aurrean