Uda Giro 2026: "Oh-pera!"

Durangoko 2026ko Uda Giro - Udako Kultur egitarauaren barne. Dena posible den leku batera eramango gaitu "Oh-Pera!"-k. Pertsonaia bi leku huts batera iritsi, hura bete, eta goitik behera aldatuko dute. Musikaren bitartez, askotariko egoera sorta amaiezina gertatuko da. Zirku-itxurako jolasean, maitasuna, umorea eta arriskua agertuko dira, modu erabat berezian. Airetiko teknikak, akrobaziak eta malabarismoak eskainiko dituzte, modu sortzaile paregabean. Arriskua benetakoa da. Agertoki hutsa bizitasunez beteko da, orain arte ikusi ez bezala. Hizkuntza: testurik gabe. 50 min.