Erreka Mari: "Euskal Herriko azken lamina"

Orain dela urte asko eta asko Euskal Herrian lamiak bizi omen ziren, erreketan bizi omen ziren, eta gauero, bere ileak orrazten zituzten bitartean, kanta egiten omen zuten. Oso politak omen ziren, baina ez zuek bezalakoak, oinak ere ez zituzten gureak bezalakoak. Herriko jendeak horrela esaten zuen: “Ez dira gure modukoak!” Eta jakina! Hori tamalez askotan ordaintzen da. Pixkanaka pixkana laminak hainbeste zikinkeria, inbidia eta marmarrekin ezkutatu egin ziren. Ze pena! Baina ez larritu, bat gelditzen zaigu eta bere istorioa kontatzera etorri naiz hona. Hona ba hemen Erreka Mariren istorioa: Erreka Mari, Euskal Herriko azken lamina.