Durangoko Jaiak 2026: "Otempodiz" + "UN’WE"

Durangoko 2026ko San Fausto jaien barne. UN’WE UN’WE-k "BAT BAKARRA" esan nahi du "changana” hizkuntzan, Afrika hegoaldeko hainbat herrialdetan hitz egiten den bantu hizkuntzan. Hemen, gure munduari egiten dio erreferentzia, sare sozialei esker bakarrera murriztu den munduari; baina aldi berean, eta gaur inoiz baino gehiago, bertan dauden desberdintasunak nabarmen erakusten dituenari; gutxitu beharrean, ugal­tzen doazen desberdintasunak izan ere. Bi mundu, bata bestearengandik geroz eta urrunago dauden arren, elkarren beharra dutela, eta azken finean mundu berbera direla ulertzen ez dutenak. Fitxa artistikoa: Egilea: Asier Zabaleta Zuzendaritza: Asier Zabaleta Musika: Kiko Klaus Eszenografia: Asier Zabaleta Koreografia: Asier Zabaleta Jantziak: Asier Zabaleta Antzezleak: Fenias Nhumaio, Deissane Machava Otempodiz Esan ohi da mendebaldean denbora zenbatu, neurtu, erosi, saldu, planifikatu, antolatu egiten dela; ondasun objektiboa da, gizakiarengandik aparte dago eta gauzak egiteko erabiltzen dugu, baina gehienetan falta izaten dugu. Afrikan, ordea, denbora bizi, eduki, egin egiten dute; gizakiaren berezko ondasun subjektiboa da, esanahia du eta ia inoiz ez da falta. Munduko leku jakin batean jaiotzeak ezinbestean markatzen du gure denbora-nozioa, eta, ezer aldaezina ez bada ere, nekez aldatuko dugu gureganatu genuen lehen nozio hura. Denbora modu askotan bizi daiteke, baita haren esklabo izanda ere; baina ezin da ukatu, eta horrek munduko edozein txokotan balio du, dantzak boterea ematen digula denbora erabateko orainaldian bizitzeko, dantzaren jatorria, generoa edo baldintza edozein dela ere. Fitxa artistikoa: Ideia, zuzendaritza eta koreografia: Asier Zabaleta Antzezleak: Fenias Nhumaioy, Deissane Machava Laguntzak: AECID, Sortutakoak, Atlantikaldia Ekoizpena: ERTZA Sorkuntza Artistikoa S.L.