Babel-17. Euskararen hiperstizio fabrika Itxaro Borda, Oier Etxeberria

Laburmetraia baten proiekzioa, elkarrizketa eta performance kolektibo bat biltzen dituen ekimen hau, hizkuntzarekin eta hiztun komunitatearekin lotutako diskurtsoen eta narratiben berreraikuntzari, deseraikuntzari eta berritzeari loturiko ahalegin bat da. Hiperstizioa izatez fikzio bat da, baina bere burua benetakoa bihurtzeko gaitasuna duena. Zentzu horretan Babel-17 liburuak, Samuel R. Delany zientzia fikziozko egile famatuak 1966an idatzitakoak, behin artefaktu bihurtuta, euskararen etorkizuna bestelako parametro batzuen baitan landu ahal izateko aukera eskeintzen du. Hari edo soka luze horrek gidatuko ditu ekitaldi honetako pasarte ezberdinak. Antolatzailea Badalab, hizkuntza berrikuntzarako laborategia Laguntzailea San Telmo Museoa