"Y VOLVER, VOLVER, VOLVER" (Lectura Dramatizada)

MARÍA LUSIA ELÍOREN MENDEURRENEAN: ONDARE BAT IRUÑERAKO María Luisa Elío (1926-2009). Idazlea, gidoilaria, aktorea eta kultur eragilea, Iruñean jaioa eta, Gerra Zibilaren ondorioz, Mexikon erbesteratua. Cien años de soledad liburuaren lehen irakurlea izan zen, eta haren eskaintza du. Zinemaren munduan, En el balcón vacío (1962) filmaren gidoia ondu zuen; hura erbeste errepublikanoko filmik garrantzitsuena izan zen. Itzuleraren Literaturako adierazlerik handienetako bat da, erbestean idatzitako lanei dagokienez, Tiempo de llorar y otros relatos liburuarekin. Haren literatura konfesionala eta erresistentziazkoa inspirazio-iturria izan da mende honetan dokumental, poema, kontakizun eta antzezlan andanarako. María Luisa Elioren ondareak bere horretan dirau eta, are, hedatu ere egiten da, bere hiriarekin izandako eskuzabaltasunari esker. Iruñeak, orain, gorazarre egin nahi izan dio, haren jaiotzaren mendeurrenean. “Y VOLVER, VOLVER, VOLVER” IRAKURKETA ANTZEZTUA “Y volver, volver, volver…”¿alde egiteaz eta itzultzeaz mintzo da, jada existitzen ez den Iruña amestu hartaz, bai eta atzean utzitako lekura itzultzen denaren zauriaz ere. Hogeita hamar urte geroago Iruñera itzultzean bizi izandako esperientzia islatzen du María Luisak Tiempo de llorar eleberrian. Garaiak gainjarri egiten dira, eta bera bizi izandako hiria gainjartzen zaio aurrez aurre duen hiriari. Garaien nahasketa horrek, orainaren haustura horrek, aukera ematen digu erbesteratu behar izan duenaren dolura hurbiltzeko eta hura ulertzen saiatzeko. Oroimenaren eta irudimenaren bidez, garaiak nahastu egiten dira erbestera, nostalgiara eta itzuli ezin den desirara hurbiltzeko. Eta Iruñeko geltokian Aureliano Buendiak María Luisa Elioren maletak jasoko balitu?… Eszena, beraz, leku berezia da, ez daudenak itzul daitezkeen lekua, eta ezin izan genituen maistrak ere leku horretara itzuliko dira, gurekin egotera. Oroimenaren eta eldarnio poetikoaren arteko bidaia, gure emakumezko arbasoak ohoratzeko eta elkarrekin sortzen jarraitzeko. Proiektua sortu da Maialen Diazek eta Emi Ecayk Erriberriko Antzerki Jaialdiaren 25. edizioaren baitan garatutako lan egonaldi batetik, Aurora Moneo eta Carmelo Gómezen lankidetza artistikoarekin. COMPAÑÍA LORE MORE. MAIALEN DÍAZ, EMI ECAY Y AURORA MONEO. Doan. Sarrera librea edukiera bete arte