Liburu-aurkezpena: "Zuhaitzak eta Arbolak Euskal Herrian"

Iñaki Etxebeste eta Markel Arriolabengoa aramaioarrek, Jakoba Errekondo paisajista eta dibulgatzailearekin eta Dani Blanco argazkilariarekin, “Zuhaitzak eta arbolak Euskal Herrian” liburu mardula argitaratu dute, ARGIA aldizkariaren eskutik. Argitalpenak, besteak beste, Aramaioko Udalaren laguntza ere jaso du. Euskal Herriak zuhaitzekin eta zuhaitz espezie bakoitzarekin duen harremana jasotzen du liburuak: zuhaitzen identifikazioa, ezaugarriak, beharrak, zaintza, erabilera, historia eta istorioak, esanahiak, bitxikeriak… Egileek testuak eta argazkiak uztartu dituzte, eta Euskal Herrian ditugun zuhaitzak aztertzeaz gain, zuhaintz horien bidez Euskal Herriari begiratzeko beste modu bat ere proposatu digute.