Musika Gela: Euskadiko Orkestra: "ARRIAGA BIZI DA"

Ganbara txukuntzen ari dela, Emiliano Arriagak biolin zahar bat aurkitu du eta, bere hari desafinatuak laztantzean, memoriaren teklak sakatu ditu. Musikaria zen osaba Juanito etorri zaio gogora: Parisen hil zen, aspaldi, 20 urte bete baino egun batzuk lehenago... eta, bat-batean, oroitzapen hori gorpuztu ez da bada! Musika Familian kontzertuak, 6 eta 12 urte bitarteko haurrei zuzenduak. Familiei irekitako saio lasai formatuan eskainiko da kontzertu hau. Saio lasaiek elkarbizitza inklusiborako ateak irekitzen dituzte, non familia guztiek besaulki-patioa partekatzen duten, desgaitasunen bat duten kideak dituzten familiak zein halako kiderik ez dutenak. Elkarteek astegunetan antolatzen dituzten jardueretatik kanpo desgaitasunen bat duten pertsonek gehien nahi dutenarekin banaka parte har dezaten sustatzeko modu bat da, gainerako pertsonek beren portaera epaitzeko beldurrik gabe. Beren beharretara hobeto egokitzeko asmoz, saio lasaiek ohiko kontzertu bateko errutinak baino toleranteagoak diren baldintzak betetzen dituzte, ohiko protokoloa hain zorrotz jarraitu gabe. Kontzertu-aretoko ateak irekita egongo dira saio osoan zehar, gure publikoa ekitaldi osoan zehar sartu eta irten ahal izateko, nahieran. Aretoa beti argiztatuta egongo da, ilunpean gera ez dadin, eta arreta berezia jarriko da argi distiratsurik, zarata gogorrik eta ezusteko elementu sentsorialik egon ez dadin. Ikus-entzule guztiek jarrera lasaia izango dute ikuskizunean zehar edozein zarata edo mugimenduren aurrean. Aretotik irten behar izanez gero, sarrerako hall-a espazio alternatibo bat izango da, gure publikoak atseden hartu ahal izateko eta, prest dagoenean, berriz ere ekitaldiarekin bat egin ahal izateko. Eta artistak eta langileak sentsibilizatuta egongo dira inklusio-praktika onenekin. Larraitz Oiartzabal Ana Belén García Luken Munguira Mikel Cañada ACC Comunicación Egitaraua: J. Arambarri Atea tan tan J. C. de Arriaga Pianorako erromantza M. Albéniz Sonata ren J. C. de Arriaga Bariazioak hungariar erara biolin eta pianorako Edipo en colone (Aria) P. Albéniz Alboradetako soinua W. A. Mozart David penitente (Aria) J. C. de Arriaga 'Los esclavos felices' (Obertura) Nada y mucho