Liburu-aurkezpena: "La memoria en las pantallas. El terrorismo en el cine y la televisión"

KM Kulturuneak antolatutako liburu aurkezpena: La memoria en las pantallas. El terrorismo en el cine y la televisión Liburuak aztertzen du nola lagundu duten zinemak eta telebistak ETAren terrorismoari eta euskal nahiz espainiar gizartean izan duen eraginari buruzko memoria kolektiboa eraikitzen. Film, dokumental, telesail eta telebistako ekoizpen sorta zabalari erreparatuz, ikus-entzunezko kontakizunen bilakaera aztertzen du, hurbiltasun historikoak eta asaldura politikoak markatutako lehen irudikapen haietatik hasita, eta biktimak, bizikidetza eta adiskidetzea ardatz dituzten obra garaikideetaraino. María Pilar Rodríguez Harvard Unibertsitateko doktorea da, eta gaur egun, Deustuko Unibertsitateko Gizarte eta Giza Zientzien Fakultateko irakaslea da. Luze-zabal idatzi du zinemari, komunikazioari, literaturari eta genero-ikasketei buruz (150 argitalpen inguru). María Marcos Ramos Ikus-entzunezko Komunikazioko doktorea da Salamancako Unibertsitatean. Gaur egun Ikus-entzunezko Komunikazio eta Sorkuntzako irakasle titularra da. Bere ikerketa-lerroetan gai hauek jorratzen ditu, beste askoren artean: gutxiengoen irudikapena ikus-entzunezko fikzioan, gizartearen irudikapen zinematografikoa zineman eta ikus-entzunezko fikzioaren analisia. Partaideak: María Marcos Ramos, María Pilar Rodríguez; Iñaki García Arrizabalaga.