Araban zehar 2026: Coro Zurbano + Bizente Goikoetxea + Mairu Abesbatza + Lumina Taldea

"Araban zehar" 2026 abesbatzen kontzertu zikloaren egitarauaren barruan. Abesbatzen musika berriro entzungo da Araban datozen hilabeteetan, Arabako Abesbatzen Elkarteak eta Arabako Foru Aldundiak, parte hartu duten koadrilen laguntzarekin, antolatu duten "Araban zehar" zikloaren edizio berria dela-eta. Programak zazpi kontzertu eskainiko ditu urriaren 3tik abenduaren 20ra bitartean, eta 24 abesbatza daude kartelean. Ekimenak 2022an hasi zuen bidea eta aurten zortzi kontzertu eta 24 abesbatza talderen eskaintza batzen da. Emanaldiak Añanan, Aiaran, Gorbeialdean, Arabako Lautadan, Arabako Errioxan eta Vitoria-Gasteizen izango dira. Proposamenak musika korala lurraldeko hainbat bazterretara gerturatuko du berriro, eta, aldi berean, jatorri desberdinetako taldeak harremanetan jartzeko aukera emango du. Programa urriaren 3an hasiko da, 19:00etan, Mendozako San Esteban elizan, Vitoria-Gasteizko Coral Ahots Argiak eta Coral Dultzinea abesbatzekin. Bigarren hitzordua azaroaren 8an izango da, 12:30ean, Vitoria-Gasteizko Arriagako San Bizente elizan. Coro Ametsak Abesbatza eta Coro Maiora Canemus abesbatzek jardungo dute bertan. Zikloak azaroaren 20an jarraituko du, 18:30ean, Aziluko Gizarte Zentroan, Arabako Lautadan. Bertan Ozaetako Kataliturri Abesbatza, Aguraingo Coro Eguzkilore, Alegria-Dulantziko Aiala Abesbatza eta Vitoria-Gasteizko Coral Enol arituko dira. Hurrengo egunean, azaroaren 21ean, programak Izarra hartuko du, eta bertako auditorioan, 19:00etan, Arratzua-Ubarrundiako Coro Zurbanok, Aramaioko Bizente Goikoetxeak, Zigoitiko Mairu Abesbatzak eta Vitoria-Gasteizko Lumina Taldeak hartuko dute parte. Abenduan, zikloak hiru kontzerturekin amaituko du aurtengo ibilbidea. Lehenengoa abenduaren 19an izango da, 18:30ean, Mañuetako Erabilera Anitzeko Zentroan. Han elkartuko dira Oyón-Oiongo San Prudenzio Egunsentia, Laguardiako Koro Auzo Ahotsak eta Vitoria-Gasteizko Arantzabela Abesbatza eta Coral Gurasoak. Abenduaren 20an bi kontzertu egingo dira. Lehena 12:00etan, Larrazuriko San Nikolas Barikoa elizan programatu da Kuartangoko Coro Badaya, Ribabellosako Erribera Beitia, Vitoria-Gasteizko Coro Izartza eta Coro Vicente Garcíaren kontzertuekin. Egun berean, arratsaldeko 18:00etan, Baranbioko Jasokundeko Andre Mariaren elizan, Laudioko Andere Abesbatza eta Bihotzak Abesbatza eta Vitoria-Gasteizko Coro Ahopeka eta Coral Ausartak abesbatzen txanda izango da. Modu horretan, "Araban zehar" egitasmoak Vitoria-Gasteizko abesbatzen jarduera eta Arabako hainbat herritako jarduera uztartuko ditu, lurraldeko abesbatza taldeek egiten duten lana ikusaraziko du eta beren jarduerak hainbat udalerritako publikoarengana hurbilduko ditu. Kontzertu guztietarako sarrera doakoa izango da, edukiera bete arte. "Araban zehar" 2026 abesbatzen kontzertu zikloa: egitaraua (jpg)