"Gabon kontua"

Isiltasunak ere indarra badu… ZUK ERABAKI! 170 artista baino gehiagoko talde ikusgarri batek osatutako proposamen honek haurrak eta helduak hunkitu, barre egin eta elkarrekin abestera gonbidatzen gaitu. Kontatu, kantatu eta dantzatutako ipuin xarmagarri honetan, zuzeneko musikak, dantzak, fantasiak, umoreak eta tradizioak esperientzia magiko batean murgilduko gaituzte. Baina aurten, basoan, argi bat itzaltzeko arriskuan dago. EgiArgik bere buruarengan sinesteari utzi dio. Ezin dugu uzti Gizotsek bere argia itzaltzea! Ausardia beharko dugu. Gabonak hastear dira… Beste urte batez, MariJuri eta JuriMari galtzagorri bihurrien eskutik, bidaia batean murgilduko gara: basoko mundu magikoan hasi, duela 2.000 urte baino gehiago Belengo ukuilutik igaro, eta gaur egungo Euskal Herriko edozein herritako plazaraino… baina aurten bidaia bestelakoa izango da. Eta nork daki… Kantu magiko bat elkarrekin eta ozen ikasi eta abesten badugu, agian Olentzero eta Mari Domingi menditik jaitsi eta gu bisitatzera etortzea lortuko dugu! Eta zuk ere baduzu eginkizun bat: idatzi zure gutuna eta ekarri antzokira. Ikuskizun honen etekinak Gabon Kontua – Cuento de Navidad Kultur Elkartearen bidez Bihotzez elkarteari emango zaizkio. * Ikuskizunera joaterik ez baduzu, baina kausa solidarioarekin kolaboratu nahi baduzu, zure eserlekua zero lerroan (10 €) eros dezakezu, erosketa-prozesuan «Bihotzez Onuraduna» aukera aukeratuz.