Helduen irakurketa kluba: "Haize-lekuak" (Amaia Telleria)

Helduen irakurketa kluba Mendaroko liburutegian, Asier Serranok dinamizatua. HAIZE-LEKUAK, Amaia Telleria (2020) Mikelak supituki utzi beharko du atzean baserriko haurtzaroa, ama alargunak Altsasun entregatzen duen unean. Han, gerra zibilaren itzal eta ilinti bizi-bizien artean, neskame arituko da hamahiru urte apenas dituen neskatoa. Hala egin dute bere aurretik ahizpa zaharrek, hala egingo du berak ere, txandan-txandan etxeko mahaia arintzea tokatzen zaionean, eta, bide batez, akaso gerora baliagarria izango zaion ofizioan trebatzea helburu. Reparaztarren etxean ezagutuko du jende dirudunaren bizimodua, baina baita txanponaren ifrentzua ere. Ez baita giro galtzaileentzat. Menderatu beharko du etxemina, oroitzapenak bridatuz eta bizimodu berrian bidaide egokituko zaizkionei tokia eginez bizitzaren aro berrira irekitzen hasi den bihotz nerabean. Ikasiko du, haragi propioan, alferrik dela haize guztietatik babesean egoten saiatzea, noiznahi heldu daiteke-eta, auskaloko zirrikitutik, menderatu beharreko haize bolada ezezaguna. Beti erne, beti prest dagoena dela haizete bortitzen jostailu baldar izan nahi ez duenaren patua. Heziketa sentimental gogor bezain premiazkoa. Saioak: Urriaren 29an, Haize lekuak, Amaia Telleria. Azaroaren 26an, Gezurra berdaderoa, Bertol Arrieta. Abenduaren 17an, Dena zulo bera zen, Eider Rodriguez. Izen-ematea: urriaren 26a arte, liburutegi@mendaro.eus, 943033291 edo liburutegian bertan.