BAFFEST 2026: "Ancestras maestras", Rocío Buenoren erakusketa

BAFFEST 2026 jaialdiaren barne. ‘Ancestrak, maistrak‘ XIX. eta XX. mendeetako emakume sortzaileak berreskuratu eta ikusgarri egiteko ikerketa eta sorkuntza proiektu bat da. Arteari eta kulturari egin zizkioten ekarpenak historiaren bazterretan geratu dira luzaroan. Erakusketak artearen eta kulturaren erreferente diren emakumeen hamabi piezako karta-sorta bat biltzen du, familien joko tradizionalean inspiratua. Oraingo honetan, hautatutako protagonistak beren garaiko kultura bisuala eraldatu eta bide berriak ireki zituzten hamabi argazkilari aitzindari dira. Rocío Bueno artista bisuala eta argazkilaria da. Bere lanak artxiboko irudia, generoa eta memoria ikertzen ditu, kontakizun historikoak berrikusi eta ikuspegi garaikidetik interpretazio berriak proposatzeko tresna gisa. Argazkigintzako eta Proiektuen Kudeaketako Nazioarteko Masterra du, eta gaur egun Artearen Historiako Gradua egiten ari da UNEDen. Bere jardunak ikerketa, komisariotza eta sorkuntza kolaboratiboa uztartzen ditu, emakumeen historiak berreskuratu eta berrinterpretatzeko, argazkigintza, instalazioa eta fotoliburua bitarteko nagusi hartuta.