Borla

Urriaren 18an, Borla taldea zuzenean arituko da Berako Kataku ostatuan, Palestina, musika eta alternatibak jardunaldien baitan. Borla Iruñeko hirukotea da, Martin Ziriza, Timéo Dedieu eta Ander Redinek osatua. Popa, gitarra doinuak eta punkaren eraginak uztartzen dituzte, eta haien abesti gehienak euskaraz dira. 2024an Kordoba bidea lehen diskoa aurkeztu zuten, eta ordutik Euskal Herriko hainbat agertokitan aritu dira.