MICROSTABLE 2026: "AMORE DI MAFIA" + "EXTENDER COMO SI PUDIERA" + "(IN)VESTIDURAS"

2026ko "MICROESTABLE" Iruñeko Mikro Arte Eszenikoen Jaialdiaren egitarauaren barruan. AMORE DI MAFIA ANTZERKIA Polik eta Michaelek morroi bat laurdenkatu berri dute. Polirentzat, lan arrunta da, beste edozein bezala; Michaelentzat, egun berezia da. Beren azken lana elkarrekin. Mafian ez da erraza familiaz aldatzea, baina are nekezagoa izanen da hori bere lankideari esatea, biktimaren puskak biltzen dituzten bitartean. SERENDIPITY, MANU GALEA, JESÚS GRANDA & JUAN ÁNGEL MELERO (Madril/Madrid) EXTENDER COMO SI PUDIERA DANTZA Mugak desegitea, izkinak ezabatzea eta mugagabearen ilusioan bizitzea. Julia Laportek ikuspegi pertsonaletik arakatu nahi du nola elkartzen diren ilusioa, mugak eta gorputza. Ikerketa fantasiaren eta mugen ikuspegi psikoanalitikoan oinarrituta, proposamenak galderak eragin nahi ditu gorputzak erantzun ditzan. Gorputza ertzean jartzea. Gorputzaren ertzean jartzea, kanpo-kanpoko geruzan, bestearen aurrekoan; eta hortik ulertzea, mugek mundua zehaztearekin batera hedapena eragozten dutela. ¿ JULIA LAPORT (Galizia/Galicia) (IN)VESTIDURAS ANTZERKI MUSIKALA Saltoki handi batzuetan, denboraldi aldaketa heldu da, eta bi maniki erakusleihoa berritzeko prestatzen ari dira. Baina ez da hain erraza izanen erabakitzea zer estilok hartu behar duen erakusleihoa: badira proposamenak, estrategiak, promesak eta, jakina, botoak. (In)vestiduras komedia musikalak modaren hizkuntzarekin jokatzen du, Espainiako politikaren satira dibertigarria ontzeko. Kantuen artean, umorez, eta ikusleek parte hartuz, erakusleihoak hauteskunde eszenatoki txiki baten itxura hartuko du, non boto bakoitza garrantzitsua baita, eta boterea janztea uste baino askoz ere gauza korapilatsuagoa izan daiteke. LA MALETA, PEDRO CAMBAS & ADOLFO OLIVEIRA (Madril/Madrid) + 18 10€ saioko. Aurrez izena emanda