Zinema Gaur zikloa 2026

Zinema Gaur zikloa Montehermoso Kulturunera itzuliko da. “Zinema Gaur zikloak mundua ikusteko eta ulertzeko modua zabaltzen duten istorioak, egileak eta kontatzeko moduak deskubritzera gonbidatzen gaitu, eta Kulturuneak sorkuntza garaikidearen, proiektu esperimentalen eta egile-zinemaren alde egindako apustua berretsi du”, azaldu du Sonia Díaz de Corcuera Kultura eta Hezkuntzako zinegotziak. Garbiñe Ortega zinema-programatzaile gasteiztarrak Montehermosorako diseinatutako denboraldi berri honetan, Ortuño aretoa izango da oso ezberdinak diren lau lan horiek ikusgai izango dituen tokia. Guztiak jatorrizko bertsioan, azpitituluekin, gaztelaniaz, ikusi ahal izango dira. Lehenengoa Simón Mesaren Un Poeta komedia beltz kolonbiar subertsibo eta barregarria da. Ondoren, Irati Gorostidi euskal zuzendariaren Aro Berria denboraldiko sorpresa zoragarria iritsiko da, eta proiekzioaren egunean bertan izango da, Marina Suárez aktore gasteiztarrarekin batera. Hirugarren saioa Qué te dice esa naturaleza izango da, Hong Sangsoo zinemagile korearraren harremanen hauskortasunari buruzko kontakizun berria, eta programari amaiera emango dio Milagros Mumenthaler zinemagile argentinar bikainaren azken filmak: Las Corrientes lanak. Zikloari amaiera bikaina emateko, Elena Duque zinemagile hispanovenezuelarrak animazio esperimental zinematografikoko tailer praktikoa eskainiko du azaroaren 7an, oso pertsona-talde txikiarentzat, eta bere artisau-film delikatu eta ederrak erakutsiko ditu azaroaren 8an egingo duen proiekzio-jardunaldi berezian. Proiekzioak azaroko astearte guztietan izango dira, 19:00etan, eta sarrera librea izango da aretoa bete arte. Hala ere, Elena Duqueren bi jardueretarako beharrezkoa izango da izena ematea. Hain zuzen ere, tailerra gaur bertan, urriaren 19an, irekiko da. Informazio guztia Montehermoso Kulturunearen webgunean edo 945 161 830 telefonoan eskuratu daiteke. Lau proiekzioko programa Simón Mesa Sotoren Un Poeta de (azaroak 3): Óscar Restrepo, tituluaren poeta, ez da gai izan literaturan izandako hastapen oparoen mailan egoteko, eta ahal duen bezala bizirautea lortu du, institutu batean eskolak ematen eta ama zaintzen. Yurladyk, bere ikasleetako batek, antzeko espiritua du: olerkigintzako diamante landugabea. Iberoamerikako film onenaren Goya sarirako izendatua. Irati Gorostidiren Aro Berria (azaroak 10): Donostia, 1978. Ur kontagailuen fabrikako langileak batzarrean bildu dira azkenean aurrera egin ez duen greba baten inguruan eztabaidatzeko. Desengainatuta, inkonformistenek eremu intimoagoetara bideratu dituzte gizartea eraldatzeko asmoak. Batzuek fabrika utzi eta komunitate isolatu batean integratu dira, mendian. Bertan, dozenaka gaztek bilaketa bizia egingo dute esperientzia katartiko partekatuetan zehar. Hong Sangsooren Qué te dice esa naturaleza (17 de noviembre): Donghwa, hogeita hamar urte pasatxo dituen Seulgo poeta gaztea, bere emaztegai Junhee gurasoen etxera doa 90eko hamarkadako bere autoan, handik laster alde egiteko asmoarekin. Muino batean dagoen etxearen edertasunak liluratuta, aitaginarrebak geratzeko gonbita egin dio. Neska-lagunaren gurasoak ezagutzen dituen lehen aldia da, hiru urteko harremanaren ondoren. Egun eta gau batez, familiaren bizitza partekatuko du: paseoak, ibai ondoko tenplu batera egindako bisita eta elkarrizketa luzeak. Barre, ardo, likore fuerte eta etxean egindako afariaren artean, familiaren eta norberaren miseriak azaleratuko dira, bakoitzaren izaera erakutsiz. Milagros Mumenthalerren Las Corrientes (azaroak 24): Bere ibilbidearen gailurrean, Linak, modaren munduko 34 urteko profesionalak, bat-bateko bultzada izan du Suitzan sari-banaketa ospetsu batean. Buenos Airesera itzultzean, ez dio inori zer gertatu den kontatuko. Hala ere, zerbait aldatu bere baitan. Isilean eta oharkabean, atzean geratu zela uste zuen iragana azaleratuko da.