"Bilbao Balleta da" (Gala eta Saria)
Proiektu zirraragarri eta hunkigarria, ballet klasikoaren arloan gure lurraldeko talentua ezagutarazteko eta protagonista bihurtzeko gunea sortzea helburu duen ekitaldia. Zuzendaria: Teresa González Ardanaz Eszena-arduraduna: Mikel del Valle Aurkezlea: Unai Izquierdo Vázquez BIZKAIKO PROFESIONALEN PARTE-HARTZEA Galaren helburu nagusietako bat gure mugetatik kanpo arrakasta lortzen ari diren bertako talentuak oholtzara ekartzea da. Aurten, Laura Pérez (Compañía Nacional de Danza) ikusteko aukera izango dugu, Juanjo Carazo (Compañía Nacional de Danza) lagun duela. Halaber, Oihana Legorburu (Sibiuko Ballet Antzokia) arituko da, Angelo Morgillo (Sibiuko Ballet Antzokia) lagun duela. BILBAO ES BALLET SARIAREN BANAKETA Gure eginkizunetako bat Bizkaiko dantza klasikoko profesionalen lana aitortzea eta saritzea da. Ohi bezala, galan bertan jakinaraziko da aurtengo saridunaren izena. Orain arte, honako dantzari hauek jaso dute saria: Javier Amo (Municheko Opera), Elisa González (English National Ballet), Mikel Larrabeiti (Scottish Ballet), Mikel Jauregui (Vienako Opera) eta Verónica Villar (Hessisches Staatstheater Wiesbaden). BIZKAIKO FORU ALDUNDIAREN BEKADUNEN PARTE-HARTZEA Galan, ikasle nabarmenenen bilakaera ikusteko aukera ere izango dugu. Bizkaiko Foru Aldundiaren bekak jaso dituzten gazteak dira, eta dantzako ikasketa profesionalak egiten ari dira, etorkizunean estatuko zein nazioarteko konpainietan lan egiteko prestatzen diren bitartean. Oraingo honetan, Eider Espina ikusiko dugu, gaur egun Frantziako Arles Youth Ballet Companyko kidea dena. DANTZA-ESKOLEN PARTE-HARTZEA Galaren beste helburuetako bat Bilboko ballet-ikasle gazteei beren lana modu profesionalean erakusteko aukera ematea da. Profesional izateko bidean, funtsezkoa da agertokian esperientzia hartzea eta arlo eszenikoan ere hazteko aukera izatea. Edizio honetan, Bizkaiko eskola hauek hartuko dute parte: Estudio de Ballet Clásico Teresa González Ardanaz (Bilbo), Centro de Danza Ana Rosa Tercero (Erandio), Estudio de Danza Sara Etxebarri (Bilbo), Allegro Ballet Studio (Areeta), Danza Libre (Bilbo), Ross Dantza Eskola (Gernika-Lumo) eta Escuela de Ballet Clásico Pilar Agirregomezkorta (Portugalete). Horiez gain, gonbidatu gisa arituko dira José Uruñuela Udal Dantza Kontserbatorioko Eskola (Gasteiz) eta Basque Ballerina by Amaia Leiza (Hondarribia). DANTZATU LEHIAKETAREKIN ELKARLANA Beatriz Pérez Gabasak zuzentzen duen Dantzatu lehiaketaren helburua dantza bere diziplina guztietan balioestea da, baita ikasleak lanean eta aurrera egiten jarraitzera bultzatzea ere. Oholtza gainean Diego Salado ikusteko aukera izango dugu. Madrilgo Real Conservatorio Profesional de Danza Mariemma kontserbatorioko ikaslea da, eta lehiaketaren azken edizioan saritua izan zen ballet klasikoko maila aurreratuan. ETA BESTE SORPRESA ASKO... Azken urtean Bilbao es Ballet proiektuak bultzatutako lankidetzei eta ekimenei ere keinu berezia egingo diegu. BABESLEAK Bilboko Udala, Bizkaiko Foru Aldundia, Tele Bilbao, Deia, Euskalduna Bilbao, Arriaga Antzokia, Bilbao Centro Elkartea, Bilboko Portua, CSP Spain, Catalonia Hotels & Resorts.