"Annie. El musical by Broadway"

Madrilgo antzerki-karteldegian bost denboraldi arrakastatsu egin ondoren, Broadwayko musikalaren ekoizpen ikusgarria itzuliko da, orain arte gurean inoiz ikusi gabeko formula batekin. «Mañana» (Tomorrow) bezalako melodia ahaztezinekin —baikortasunaren benetako ereserkia—, eszenografia ikusgarri eta efektistarekin eta 30eko hamarkadako New Yorkera eramaten gaituen argiztapenarekin, giro ezin hobea sortzen du familia osoak gozatzeko pentsatutako ikuskizun zoragarri honetarako. Broadwayko musikalaren ekoizpen ikusgarria itzuliko da, orain arte gurean inoiz ikusi gabeko formula batekin. Annie umezurtz txiki bat da, Hannigan andereño gaiztoak zuzentzen duen umezurztegian bizi dena. Hezitzaile anker horrek Annie eta umezurztegiko bere lagunak gaizki tratatzen ditu. Hala ere, Anniek amets egiten du egunen batean gurasoak haren bila etorriko direla. Arratsalde batean, Annieren patua erabat aldatuko da, New Yorkeko Warbucks jaun aberatsak Gabonak berarekin igarotzeko umezurtz bat adoptatzea erabakitzen duenean. Mila abentura bizi ondoren, bien bizitzek ustekabeko norabidea hartuko dute.