Zinema Guztiontzat: "Azken erromantikoak"

Irunek, joera hipokondriakoak dituen emakume dudatsu eta bakarti batek, herri industrial baten kanpoaldeko fabrika batean egiten du lan. Iruneren bizitza ezagunen zirkulu txiki batera mugatzen da: bere lankideak, adiskidea edo halako zerbait den bizilagun bat eta inoiz hartzen ez dituen trenen ordutegiak kontsultatzen dizkion Renfeko operadore bat. Iruneren oreka hauskorra apurtu egingo da bularrean koskor bat detektatzen diotenean eta, aldi berean, lan-gatazka bati aurre egin beharko dio. Orduan, emakumearen bizitzak ustekabeko norabide bat hartuko du: baliteke ez jakitea, baina betitik itxaron duen aukera izango du. Fitxa teknikoa: Zuzendaritza: David Pérez Sañudo Gidoia: David Pérez Sañudo, Marina Parés Argazkilaritza: Víctor Benavides Muntaia: Lluís Murúa Musika: Beatriz López Nogales Soinua: Alazne Ameztoy Antzezleak: Miren Gaztañaga, Maica Barroso