"El Club de los Poetas Muertos"

Suhartasunez eta jatortasunez bizitzearen garrantziari buruzko kontakizun sutsua. Welton akademia zorrotzean, John Keating irakaslearen etorrera une garrantzitsua izango da. Ezohiko metodoak erabiliz eta «Carpe Diem» oihukatuz, ikasleak inspiratuko ditu Keatingek, poesia maita dezaten eta ahots propioa bila dezaten, gizarte-arau zorrotzetatik harago. Gazteek «Poeta hilen kluba» berrabiaraziko dute, beren ametsik eta irrikarik sakonenak esploratzeko gune klandestinoa. Halere, haien kontzientziak pizteak talka egingo du gurasoen eta eskola-agintaritzaren espektatibekin, eta gizabanakoaren askatasunaren aldeko borroka tragikoa eragingo du. Suhartasunez eta jatortasunez bizitzearen garrantziari buruzko kontakizun sutsua. El club de los poetas muertos Tom Schulmanen antzerkirako egokitzapena da; Oscar bat irabazi zuen Schulmanek, izenburu bereko film ahaztezinaren gidoia idazteagatik. Juan Luis Iborrak itzuli du gaztelaniara, eta muntaia zuzentzeaz ere arduratzen da. Juanjo Artero buru duen antzezle-zerrenda batekin, 1989an gizartean eragin handia izan zuen eta kritikarengan eta publikoarengan harrera bikaina izan zuen filma taularatzeko erronka hartu du bere gain. Orain, inoiz baino gehiago, igo gaitezen idazmahaira eta oihuka dezagun ozen: O, kapitaina, nire kapitaina! Fitxa artistikoa: Egilea: Tom Schulman. Itzulpena eta zuzendaritza: Juan Luis Iborra. Antzezleak: Juanjo Artero, Manu Rodríguez, Tomy Álvarez, Jacobo Camarera, Gabriel Flores, Lennon Jon Shak, Álvaro de Paz, Sergio Aguado, Marcos Saneiro. Eszenografiaren diseinua: David Pizarro. Jantzien diseinua: Gabriela Salaverri. Argiztapenaren diseinua: Juanjo Llorens. Musika: Gerardo Gardelín. Ekoizpena: Jesús Cimarro.