Art&Music 2026: NICO ANDINO Quartet

Gugggenheim Bilbao Museoaren 2026ko Art&Music jaialdiaren barne. Nico Andino: tronpeta Alex Huelves: pianoa León Sierra: baxu elektrikoa Daniel Pimenta: bateria Nico Andino tronpeta-jotzaile gasteiztarrak Lepista Nuda aurkeztuko du: Madrilgo eta Bartzelonako musika-eszenen arteko zubi-lanak egiten dituen laukote kolaboratiboa. 2024an sortu zen proiektua, musika afroamerikar garaikideekiko eta horien adar ugariekiko sentsibilitate komuna partekatzen duten lau musikariren sormen-elkarrizketak hauspotuta. Egungo jazzaren, soularen, groove urbanoen eta elektronika sotilaren artekoa doinuak egiten dituen proposamen ireki, dinamiko eta erabat erritmikoa da. Taldeak giro akustikoa eta testura garaikideak uztartzen dituen lengoaia bat garatzen du konposizio propioen eta inprobisazio kolektiborako tarteen bidez. Jazz tradiziotik ez ezik gaur egungo eraginetatik edanez, gai da generoaren ohiko publikoarekin eta eszena urbanoetatik gertu dauden entzulego berriekin konektatzeko.