Txapel Reggae 2026 (uztailak 18 - Armintza)

Txapel Reggaek Armintza irudimenezko irla bihurtuko du, Jamaika, Kanariak, Menorca, Brasil eta Euskal Herria musikaren bidez elkartuz Armintzako reggae jaialdi beteranoak uztailaren 18an ospatuko du 2026ko edizioa. Aurtengoan, Jamaikatik sortutako musikaren inguruan munduko hainbat uharte lotuko dira elkarren artean. Jah Mason, Junior Dread, Dactah Chando, Rudymentari eta Steady Rockets izango dira gaueko zuzenekoen protagonistak Biobizz Portua Stagen. Bestalde, berritutako Spannabis Dub Stage guneak hamabi orduko sound system egitaraua eskainiko du, Blackboard Jungle eta Irie Ites nazioarteko erreferenteekin. Aurtengo berrikuntza nagusietako bat Txiki Yard izango da. Familia osoarekin jaialdiaz gozatzeko sortutako espazio berria da.