KALEAN 2026: BESAIDE

Besaide, Aritz Mugartegi (Gernika), Gorka Bravo (Gasteiz) eta Teresa Jareño (Donostia) elkartu dituen musika proiektua da. Talde honen ardatz nagusia, kantutegietan eta ahoz aho gaur egunera iritsi zaizkigun Euskal Herriko herri musikaren erritmo, doinu eta kopla zaharrak dira. Aldez aurretik existitzen diren temak berrinterpretatu eta beste berri batzuk sortzen dituzte bertako eta beste leku urrungoetako tradizioetako soinu-tresnak erabiliz.