Jazzaldia 2026: Txikijazz: Jazz for Children

Oharra: Kontzertu hau kerik eta alkoholik gabeko espazio batean egingo da, haurrei zuzendutako Txikijazz jaialdiaren baitan. Haurrek dute lehentasuna. 2026ko Jazzaldiaren barne. Noa Lur (ahotsa) Alain Concepción (ahotsa) Tony Pereyra (gitarra) Ricardo Alonso (baxu elektrikoa) David Fernández (bateria) Bost musikarik osatutako talde honek etxeko txikienei jazza modu dibertigarri, parte-hartzaile eta gertukoan hurbiltzeko pentsatutako esperientzia proposatzen du. Jazz for Children erreferente nazional gisa finkatu da, 100.000 ikusletik gora izan baititu sei urteko jardunean. Ikuskizunak taldeko kide izatera gonbidatzen ditu haurrak, jazza jolasa ere izan daitekeela ikus dezaten: inprobisatzea, entzutea, erantzutea eta musikan murgiltzea. Tonu komiko eta dinamiko baten bidez, proposamenak jazzaren lengoaia eta familientzat ezagunak diren soinu-bandak, hala nola Frozen, Aladdin, Gru edo Mario Bross, uztartzen ditu, haurtzaroko imajinario musikalaren eta zuzeneko energiaren arteko zubi bat sortuz. Haurren arreta erakartzeko, haien jakin-min musikala pizteko eta kontzertua partekatutako esperientzia bihurtzeko diseinatutako hitzordua da.