Berumuga Musika Zikloa 2026: egitaraua

2026ko Berumuga Musika Zikloa uztailaren 3tik 24ra bitartean ospatuko da. Egitasmoak askotariko estiloak eta kalitatezko proposamen musikalak eramango ditu errira, uztaila osoan zehar, aire libreko kulturgintza indartzeko helburuarekin. Berumuga: musika beltza eta nazioarteko doinuak Espoloian Berumuga zikloak lau kontzertu eramango ditu uztaileko ostiraletan, 22:00etan, Espoloian: Uztailak 3 Koko-Jean & The Tonics: Soul eta rhythm & blues estiloko talde indartsua, ahots boteretsu eta energia handiko zuzenekoarekin. Uztailak 10 Jackie Venson: Estatu Batuetako artista nabarmena, blues, rock eta funk estiloko gitarra-jole eta abeslaria, nazioartean ospe handia lortu duena. Uztailak 17 NF Soul Station: Soul, funk eta groove doinuak uztartzen dituen banda, publikoarekin konektatzeko gaitasun handikoa. Uztailak 24 Maria Carbonell Blues Mood: Bluesa ardatz duen proposamena, sustrai klasikoak eta ukitu garaikidea uztartzen dituena, ahots eta interpretazio sendoarekin.