Iruñeko Topaketak 2026: "aSH, A piece by Aurélien Bory for Shantala Shivalingappa"

2026ko Iruñeko Topaketen egitarauaren barruan. aSH ez da errekuntza perfektu baten hondakin solidoa bakarrik: hemen, prozesu bat da. Ezerezetik hasten den heriotza eta jaiotza ziklo baten parte da, edozein formaren hasiera antzerkian eta, desagertu aurretik, modu iragankor baterantz jotzen du. Shantalaren dantzak kolam baten antza du, goizean irinez lurrean eginiko marrazki bat, haizeak egunean zehar suntsitzen duena eta hurrengo egunean berriz marrazten dena. Geometria bat txertatu da haren gorputzean milaka aldiz errepikatutako Kuchipudiaren mugimenduen bidez. Zirkuluak, puntuak, simetriak, espiralak, fraktalak... haren dantzak munduaren egituraren irudikapena dirudi. Silabek Shantala Shivalingapparengan kateatzeko duten modua musika da berez. aSH izenburuari dagokionez, haren izenaren hasierako eta amaierako inizialekin sortua da; espazio osoak erritmo bat du; espazioak bere burua adierazten du bibrazio gisa lehenik, eta, ondoren, eraldatu eta infinituki luzatzen da Loïc Schild perkusionistaren eskutik. Shantalaren dantza Indiatik Europara egindako bidaiatik sortzen da, Kuchipuditik Pina Bausch-engana, Shivatik Dionisorengana, antzerkiko jainkoarengana, zeinak, batzuen ustez, jainko beretik jaio baitira. Shantalak etengabe bidaiatzen du sorterriaren (Madras) eta bizi den lekuaren artean (Paris). Haren dantza betiereko pendulu bat da, gure topaketaren oso antzekoa: mistika indiarraren eta fisika kuantikoaren artean nonbait. Shantala Shivalingappa-rekin Eta Loïc Schild (percussions) Diseinua, eskenografia, zuzendaritza: Aurélien Bory Koreografia: Shantala Shivalingappa Zuzeneko musikaren konposaketa: Loïc Schild Dramaturgia: Taïcyr Fadel Argiztapen diseinua: Arno Veyrat Erritmu automatikoak: Joan Cambon Set-aren kontzeptu teknikoa: Pierre Dequivre, Stéphane Chipeaux-Dardé Jantziak: Manuela Agnesini, Nathalie Trouvéren laguntzarekin Zuzendari teknikoa: Thomas Dupeyron Ekoizpena Compagnie 111 – Aurélien Bory Koprodukzioa ThéâtredelaCité – CDN Toulouse Occitanie, Festival Montpellier Danse 2018, Agora – Pôle National du Cirque Boulazac-Aquitaine, La Scala – Paris, L’Onde Théâtre Centre d’Art – Vélizy- Villacoublay. ENSATT - Lyonen parte-hartze artistikoarekin. Entseguak eta egonaldiak Théâtre de la Digue-Toulouse, ThéâtredelaCité – CDN Toulouse Occitanie IRAUPENA: 60 MIN.