Getxo Folk 2026: ETS - En Tol Sarmiento

2026ko Getxo Folk jaialdiaren barne. ETS (En Tol Sarmiento) azken hamarkadako euskal musikaren fenomeno handienetako bat bihurtu da, eta estatu mailako talde arrakastatsuenetako bat da gaur egun. Popa, rocka eta festa doinuak uztartzen dituen estiloari esker, Arabako taldeak adin guztietako ikus-entzuleak bereganatu ditu benetako ereserki bihurtu diren abestiz osatutako errepertorioarekin. Publikoarekin konektatzeko duen gaitasunak eta zuzenekoen indar ikusgarriak sekulako proiekzioa eman diote, Euskal Herriko mugak gaindituz. Bihotzen Konkista egungo birarekin, ETSk bizi duen une aparta berresten du, taldeak lortutako dimentsioa islatzen duen formatu handiko ikuskizun baten bidez. Madrilgo Movistar Arena eta Bartzelonako Palau Sant Jordi bezalako areto enblematikoak sarrerak agortuta historia egin ondoren, taldeak euskarazko musika gero eta publiko zabalagoarengana eramaten jarraitzen du, kontzertu bakoitza emozioz, gertutasunez eta energia kutsakorrez beteriko ospakizun erraldoi bihurtuz.