Dantza Hirian 2026: "Lola y los lamentos" + "A ojo" (Dantzarte 2026)

2026ko Dantza Hirian eta 2026ko Dantzarte jaialdien barne. Irailaren 12an, Andrea Castro eta Carmen Fumera eta Dácil González dantzan arituko dira Errenteriako Herriko Plazan. "Lola y los lamentos" Tradizio katolikoan hazia, Lolak bere bizitzari zentzua ematen zioten sinesmenak zapuzten dituen krisia bizi du. Bat-batean, ez daki zertan sinesten duen, ezta nor den ere, lehen eusten zion fede hori gabe. Oinarri sendoa zirudiena pitzadura bihurtzen da, zalantzan jartzera eta berreraikitzera bultzatzen duena. Lola y los lamentos Andrea Castrok sortu eta interpretatutako pieza bat da, bere alter ego eszenikoaren bidez, mugiezina hausten denean zer gertatzen den aztertzen duena eta gure nortasuna eta munduan bizitzeko modua birplanteatzera behartzen gaituena. "Begi hutsez" "Begi hutsez" deitzen zaio ikusten duguna xehetasun gehiagorekin hautematen laguntzen duten tresna optikorik gabe egiten den behaketari. Behatutakoa behatzen duenaren testuinguru subjektiboan kokatzen da, eta, beraz, bere pertzepzioa espazio bakoitzean gauzei eta gertaerei begiratzeko moduari lotuta dago. Edertasuna begiratzen duenaren begian dago. Aldaketa gure inguruan dagoen motor egonkor bakarra izanik, arraildurak aurkituko ditugu, haien bidez begiratu eta hauteman ahal izateko; arrakalak azalean eta azaletan, mundura eta geure baitara sartzeko moduak erakusten dizkigutenak.