"Aldi horietatik guztietatik", Jone Elorriagaren erakusketa
2026(e)ko uztailaren 18(a), larunbata → 2026 ira. 13(a)
Centro Cultural Montehermoso
Gasteiz, Araba
Inaugurazioa uztailaren 17an, 19:00etan artistaren eskutik. "Aldi horietatik guztietatik" pertsonen arteko harremanetan sortzen diren erronkei eta erronka horiei aurre egiteko ditugun tresnei buruzkoa da.Artistak euskarria, bultzada eta salbamendua lantzen ditu, ondoren bere irtenbide plastikoa garatzeko. Jonek aztertzen du nola aldatzen diren euskarriak gure bizi-egoeraren arabera eta nola egiten diegun aurre. Halaber, segurtasun-sare emozional edo fisiko batek salbatuko duela dakien pertsona bat nola eraikitzen den ikertzen du. Bere lanaren bidez, Jonek arintasuna, pisua, heldulekua, kulunka, inertzia eta inertzia horren indarrak nahi ez den leku batera eraman zaitzakeen modua aztertzen ditu. Esku-orria (pdf) Jone Elorriaga Soto Jone Elorriaga Soto (Durango, 1993) Artean graduatua da UPV/EHUko Leioako campusean 2016an. 2026ko Ertibil lehiaketako hirugarren saria jaso zuen. Mallorcako Alaróko argindorrean eta Guggenheim Museoko auditorioan esku hartu du, Pensar Mañana proiektuaren barruan. Aurretik, bere puzgarriak aurkeztu ditu hainbat proiektutan, besteak beste, Lanean erakusketan, Rekalde Aretoan, eta Alacanteko Las Cigarreras Kultura Zentroan, Umbral erakusketa kolektiboaren baitan. Bakarkako erakusketen artean nabarmentzekoa da La Taller galerian egindako HINCHA2: rojo y rosa izeneko erakusketa. Eusko Jaurlaritzaren Arte Plastikoen beka jaso zuen 2024–2025 aldian; Bizkaiko Foru Aldundiaren Sorkuntza Artistikorako beka, 2018–2019 eta 2021–2022 aldietan; eta Durangoko Astarloa Kulturgintzaren sorkuntza beka, 2017–2018 aldian. Azken horren harira, bakarkako erakusketa egin zuen Durangoko Arte eta Historia Museoan.