BARATXINTO Fest 2026: Pirinioetako Arteen Xeia

BARATXINTO FEST, Pirinioetako Arteen Xeiak, bere 6. edizioa ospatuko du irailaren 11tik 13ra, Erronkariko Ibarrean erreferentziazko kultur proiektu gisa sendotuz. 2021ean sortu zen arte garaikidea landa-ingurunera hurbiltzeko helburuarekin, arte eszenikoak, kultura-bitartekaritza eta lurraldeari lotutako esku-hartze artistikoak uztartzen dituen programazio baten bidez. Artisten eta tokiko biztanleen arteko topaketa sustatuz, kultur sorkuntza, herritarren parte- hartzea, turismoa eta bailararen dinamizazio sozioekonomikoa bultzatuz. Edizio honetan, programazioak hainbat lengoaia artistiko erabiliko ditu (zirkua, clowna, antzerkia, dantza, poesia, musika eta performancea) identitatearekin, kultura-aniztasunarekin, bizikidetzarekin, migrazioekin, giza harremanekin eta ongizate kolektiboarekin lotutako gaiak lantzeko. Eta, gainera, bertako eta Erronkari Ibarreko artisten presentzia indartzen du bereziki. BARATXINTO festibala hasi aurretik, irailaren 10ean, osteguna, 19:30ean, Erronkarin. Sweet Chilli Circus Companyk TRASHUMANTES aurkeztuko du, jaialdiak eskainitako egoitza artistikoan landutako pieza. Zirku garaikidearen, antzerki fisikoaren, dantzaren eta clown-aren fusioa, absurdua eta sublimea batera existitzen diren espazio bat sortzen duena, giza kondizioaren esplorazio sakon bat eskainiz. Jaialdiari hasiera emateko ekitaldia irailaren 11n, ostirala, izango da, 19:30ean, Burgin. Ondoren, arratsaldeko 20:30etan Jean Philippe Kikolasen CALOR ikusi ahal izango da. Zirku garaikideko proposamen bat, elkarrizketarako eta hausnarketarako mezu batekin, errefuxiatuen gizarte-arazoetan oinarrituta. Irailaren 12an, larunbata, Iosu Sanz Udi artistak arte bizien, poesiaren eta musikaren performancea eskainiko du Bidankozen. Eta ondoren Badut taldearen FLAMENKITO pieza laburra. Clown pieza honek gitarrista handi bat eta dantzari handi bat ditu protagonista, eta flamenko errezitaldi handi bat eskainiko dute, baina azkenean konturatuko dira euren proposamenak ez duela ezer “handirik”. Haren atzetik, Ganso&Cia-ren WELCOME&SORRY. Shakespeareren “Hamlet”; klasikoa parodiatzen duen keinu komedia clown klabean. Bi aktore obra antzezten saiatzen dira talde oso baten lana eginez, talenturik eta baliabiderik izan gabe. Ondoren, ekitaldia Erronkarira joango da, eta bertan egingo da bazkari herrikoia eta mikro- irekia. Eta, 19:00etan, Orain Bi konpainiaren MUTE lana. Aldaketaren ideia horretatik abiatuta, konpainiak zirku-ikuskizun bat eskaintzen du, une poetiko, dibertigarri eta harrigarriak eskaintzen dituena, umore ukitu batekin. Eta eguna amaitzeko, punk/rock kontzertua FUERA DE TONO Izabako taldearekin. Eta azkenik, igandean, Uztarrozen, 12:00etan, Gilkitxaroren ALPERRAK, TUNANTEAK ETA MALEANTEAK. Plazera aldarrikatzen duen eta anormaltasunaren apologia egiten duen lana. Bizi garen gizarteari buruzko hausnarketa, produktibista izatera behartzen gaituena, hausnartzeko atsedenik utzi gabe, introspekzioan erortzeko tentaziorik gabe; eta guztiari azkar erantzutera behartzen gaituena, ezertan sakondu gabe klik eginez. Eta, ondoren, Ertza dantza konpainiaren OTEMPODIZ. Dantza pieza honek, jaiotzen garen munduko lekuaren arabera denbora nola hautematen eta bizitzen dugun hausnartzen du. Eta emanaldiaren ondoren, agur mokadu batekin amaituko da jaialdia, hurrengo ediziora arte. Jaialdia Goitibera antzerki konpainiak eta Erronkariko, Uztarrozeko, Burgiko eta Bidankozeko udalek antolatzen dute, Nafarroako Gobernuak Gu Pirinioaren bitartez diruz lagundurik, eta Cederna Garalur eta Kebenko elkartearen babesa du. Jaialdiaren jarduera guztiak doakoak dira eta kalean egingo dira. https://baratxintofest.org webgunean jaialdiaren programazioa eta xehetasun guztiak kontsultatu ahal izango dira. CALOR ikuskizuna ikusteko edukiera 140 pertsonatara mugatuta dago, eta, beraz, sarrera iritsi ahala egingo da. Herri bazkarira joateko erreserba egin behar da, 681 872 863 telefonora whatsapp bat bidaliz