Poetika 2025/2026: "Ilargi/Luna"

Koldo Mitxelena Kulturuneak antolatutako errezitaldia, Poetika zikloaren barruan: Ilargi/Luna Sihara Nuño liburu-saltzailea, poeta, aforista eta tailergilea da. Mexikon nahiz Espainian, kulturaren eta hezkuntzaren arloko hainbat erakunderekin eman ditu tailerrak eta hitzaldiak, poesia hedatzeko eta zientzia gizarteratzeko ahaleginean. Horrez gain, nazioarteko hainbat poesia-topaketatan parte hartu du. Poesia eta aforismo liburuak sortu ditu eta hainbat antologiatan eta, argitaratzaile eta ilustratzaile gisa, liburuetan parte hartu du. Argitaratu duen azken liburua, Ilargi/Luna (2024), gaztelaniazko eta euskarazko edizio elebiduna da. Liburu honek ama-alaben arteko harremana ehuntzen eta arakatzen du, ilargiaren irudia harturik liburu osoan zehar elementu harmonizatzailetzat. Aldi berean, belaunaldien arteko elkarrizketa bat da; alabari hitz egiten dion ama da; datorren olerkiari hitz egin eta maitasuna adierazten dion sortzailea da. ¿Cómo se denomina al ser que es dos veces uno, en un mismo cuerpo? Nagore Pérez Trintxerpen sortu zen (Gipuzkoa), galiziar jatorriko familia batean. Ibilbide akademiko anitza du. Gaur egun, aholkulari eta ikertzaile feminista zein itzultzaile-interprete dabil ogibidez. Bere bizitzan, bai dantza baita kantua ere berezko osagaiak dira. Amatasunak sormena piztu zion beste ezerk ez bezala. Xoán Alonso Ingeles Filologian lizentziatua da, Vigoko Unibertsitatean. Instintu bidezko perkusionista eta beharragatiko poeta. Galiziako musikari, kantautore eta poeta da, eta haren proposamen artistikoa nabarmentzen da musika akustikoaren eta poesia garaikidearen arteko lotura estuagatik. Trobatore modernoaren irudia gogorarazten duen estiloarekin, Alonsok, hitzaren eta gitarraren bidez, kultura-zubiak sortu ditu, eta Galiziako eta Euskal Herriko hizkuntzak eta literaturak lotzen dituzten aldebiko errezitaldietan eta topaketa liederstikoetan parte hartu ohi du. Partaideak: Sihara Nuño, Nagore Pérez, Xoán Alonso. (Hizkuntzak: gaztelera, euskara, galiziera)