Dantza Hirian 2026: "El mundo atrás" + "Ahotsak"

Dantza Hirian 2026 edizioaren barne. Irailaren 18an, Rolando Salamé eta Ziomara Hormaetxe dantzan arituko dira Donostiko Konstituzio Plazan. "El mundo atrás" Rolando Salamé "El mundo atrás" dantza eta antzerki fisikoko pieza bat da, exodo bati buruzkoa. Ez herri bati buruzkoa, baizik eta gizakiari buruzkoa. Sustraitzeaz, berarekin eramaten denaz, eta kargatzeaz, atzean utzi eta irauten duenaz. Iragaitzazko, hegaldiko edo erorketako gorputzek kontatzen dute istorioa; bi munduren artean orekatzen diren arimek, bata hilzorian dagoenak eta bestea jaiotzeko borrokan dabilenak. Behin eta berriz altxatzen diren izakiak, ziurtasunik gabeko bidea berriz hasteko, baina itxaropenak beldurraren gainean duen garaipena irudikatzen dutenak, gizakiak bere basakeriaren gainean duen onena. Eta gure oinatzak gure aurrekoen arrastoekin nahasten diren tokian, babesleku zaharrak atzean utzita, gu babesteko eraiki genituen santutegi faltsu horiek, presondegi bihurtu zirenak, zerumuga, ilusio, askatasunaren ideia lauso baten bila atera ginen. "Ahotsak" Ziomara Hormaetxe "Pieza hau nire aitxitze eta amuman homenez sorturikoa da. Beraiek jasan zuten Gernikako bonbardaketa eta ni beraien loba bezala, azkena izango naiz beraien testimonioa modu zuzen batean jasotzen. Honek eman zidan proiektuarekin hazteko motibazioa edo inpulsoa. Azken urteetan grabazioak egin ditut Gernikako bonbardaketa jasan zuten biktimen inguruan. Biktima guzti horien testimonioak izan dira nire prozesuaren abiapuntu nagusia. Kasu honetan lanaren musika bandan tia Luisitaren ahotsa agertzen da. Luisa García Goiogana testigantza oso interesgarria. Gainera lanaren sorkuntza prozesuaren zati bat Gernikan egin dugu Astran, hau da, gerra zibileko armen fabrikan".