2026-2027ko kultur ikastaroak eta tailerrak (Bilbo)
2025(e)ko irailaren 9(a), asteartea → 2026 ira. 23(a)
Bilbo, Bizkaia
Inscripción
Bilboko Udalak jakinarazi du adinekoentzat antolatzen dituen kultura-, berdintasun- eta osasun-arloko udal ikastaro eta tailerren zozketaren emaitza zein den. Zozketa horren bidez, zehaztu da zeintzuk diren izen-ematea formalizatzeko eguna eta ordua. Epea irailaren 9tik 23ra bitartean egongo da zabalik. Irailaren 3an, bi zozketa egin ziren: bata adinekoentzako kultura-, berdintasun- eta osasun-ikastaroetarako, eta bestea aisia- eta kirol-ikastaroetarako. Adinekoentzako kultura-, berdintasun- eta osasun-arloko programetarako egindako zozketak hitzordua esleitzen du izen-ematea formalizatzeko, baina ez du inolaz ere bermatzen ikastaroetan plaza lortzea. Irailaren 9tik 23ra bitartean, bi egunak barne, izen-ematea egin beharko da zozketan lortutako hitzorduan esleitzen diren eguna eta ordua kontuan hartuz. Izen-ematea www.bilbao.eus udal webgunearen bidez edo 944 010 010 (edo 010) telefonora deituta egin ahal izango da, astelehenetik domekara, 08:00etatik 20:00ak arte.