"Despoblados"

Despoblados istorioa lurretik sortu da, bertan behera utzitako gure landa-aldeko munduaren errealitatea erakusteko. Hutsune horretara, jada ez dagoenak uzten duen itzalera memoriatik eta oroitzapenetik hurbiltzeak aukera ematen digu beste hutsune bat betetzeko, egunero banatzen eta bakartzen gaituen mundu batek sortzen diguna. Despoblados aienearen, atsekabearen, nahasmenduaren eta gainbeheraren adierazpen bat da, baita asaldura eta itxaropenerako dei bat ere. Soriako Andrés Martín Domínguez idazlearen karga dramatiko handiko poema-sorta batetik abiatuta, antzezlan musikatu bat garatu dute, bi elementu horiek uztartuta. Musikak eta testuak landa-aldeko mundu galdu batean girotutako eszenak eta gizarteko giza errealitatearen aurpegi guztiak erakusten dituzte: malenkonia, tristura, maitasuna, gogaitasuna, ulertezintasuna eta haserrea. Fitxa artistikoa: Antzezlea: Sandra Fdez. Aguirre Eszenako zuzendaria: Marta Álvarez del Valle Arte-zuzendaritza: Lucía Carro Jantziak: Ana Batalla Argiak: Haizea Cosgaya Jatorrizko testua: Andrés Martín Domínguez Ekoizpena: Proyecto Villalacre Jatorrizko musika: Andrés Martín Herranz Musikariak: Manu Gaigne, Juan Guillermo Martínez, Adrián Carro, Joaquín Marco, Unai Celaya