Amarauna 2026: "Salseo"

Proiektu honekin dantzaren zenbait errealitate jarriko dira zalantzan, hala nola gorputzen txertatze- eta baztertze-dinamikak sustatu dituzten sinismenak eta praktikak, komunitatean dantzatzeak eskaintzen dizkigun alderdirik ederrenez eta funtsezkoenez gozatzera bultzatzeko: zerbaiten parte zarela sentitzearen atsegina, mugitzen diren gorputzen poza, ikusezina eta ezezaguna erakusten direnean sortzen den harridura, gorputzen eta munduaren arteko sintonizazioaren magia, elkarrekin dantza eginez zentzua sortzen dugun sentsazioa… Salseo-n, geure gorputzarekin eta besteenekin harremanetan jartzea proposatuko zaigu, eta baita eratzen gaituen munduarekin ere, mugimendua eta dantza lotura- eta sormen-bide gisa erabiliz, taldearen elkarreragin dantzatua ahalbidetuko duten saltsaren mugimendu jarraitzeko oso errazen bidez, pertsona bakoitzaren adina, gorputza edo baldintzak kontuan hartu gabe. Oihana Altube (Irun, 1983) dantzari eta artista da. Dantzaren, Arte Bizien eta praktika psiko-fisiko terapeutikoen ertzetan kokatzen da haren lana. Dantzako prestakuntza soilaz gain, Danza Movimiento Terapia, Movimiento Auténtico eta, Movimiento Atlas-en, Body Mind Centering espezialitateetan trebatu da. Hainbat koreograforentzan lan egiten du dantzari gisa, beste artista batzuekin batera proiektu eszenikoak sortzen eta dantzaren bidez bitartekaritza-proiektuak garatzen aritzen da, eta bere sorkuntza- eta ikerketa-proiektu koreografikoak garatzen ditu; horien artean nabarmentzekoak dira Bailarinxssonorxs eta Somaturgias. Dantza-lantegiak eskaintzen ditu hainbat kolektibo nahiz profesional nahiz amateurrentzat. Javier Vaquerorekin batera, Rojo pandereta dantza hedatuaren proiektuan parte hartzen du. 4 urtetik gorako haurrentzat, heldu bat lagun dutela. Euskaraz eta gaztelaniaz Haurrentzat (adina ikuskizun bakoitzean ziurtatu), heldu bat lagun dutela. Sarrera doan, toki mugatua. Erreserba egitea gomendatzen da, 945 20 90 20 telefonoan (jarduera hasi baino hamar minutu lehenago arte gordeko dira erreserbak)