Gasteizko Nazioarteko Antzerki Jaialdia 2026: "Constelaciones"

Gasteizko 2026ko Nazioarteko Antzerki Jaialdiaren barne. Antzezlan garaikide bat da Constelaciones, fisikari kuantiko baten eta erlezain baten arteko harremanari buruzkoa. Haien arteko topaketak kasualitatea dirudien arren, unibertso paraleloen teoria eta multibertso kontzeptua baliatzen dira istorioa azaltzeko. Hala, ikusiko dugu harreman bera oso modu desberdinetan gara daitekeela, hautu txikien, inguruabarren edo kointzidentzien arabera. Erraza dirudien eszena batekin hasiko gara: barbakoa batean ezagutzen dute elkar. Hortik aurrera, egoera horren hainbat aldaketa ikusiko ditugu. Elkarrizketa berberak ñabardura desberdinekin errepikatuko dira, eta horrek hainbat egoera sortuko ditu: harremanak aurrera egitea, porrot egitea, inoiz ez gertatzea edo bat-batean amaitzea. Bertsio bakoitza isla alternatibo bat da, aldi berean dauden unibertsoen “mosaiko” horretako aukeretako bat. Antzezlanak aurrera egin ahala, unibertsoen arteko jauziak esanguratsuagoak izango dira: bikoteak aurre egin beharko dio bizikidetzari, desleialtasunari, gaixotasunari eta heriotzari. Une giltzarria da, dramatikoa, haietako batek garuneko minbiziaren diagnostikoa jasotzen duen unea, zaurgarritasun- eta erabaki-maila sakona sortuko duena. Antzezlanak ez du amaiera bakarra eskaintzen;bizitzaren hauskortasuna eta edertasuna erakutsiko dizkigu, aukeren arteko koexistentziaren bidez.