Bibra Zikloa 2026: Marina y su Melao + Eire - Atodamadre

Marina y su Melao Bartzelonako taldea da, Marina Molina puertorricarrak gidatua. Zuzenekoetan ibilbide oparoa egin ondoren, 2025ean Rezo al agua lehen diskoa argitaratu zuten. Lan horretan, Puerto Ricoko bomba —erritmoan oinarritutako genero tradizionala— afrokaribeko beste doinu batzuen kolore eta zaporeekin uztartzen da, tradizioa eta folklorea ikuspegi indartsu eta berritzaile batean batuz. Diskoa apirilean kaleratu zen, eta Vila-Secako Fira de Música Emergent jaialdian aurkeztu zuten lehen aldiz. Ondoren, Bartzelonako Razzmatazz aretoan, Madrilgo El Intruson, Vic-eko Mercat de Música Viva azokan eta Bartzelonako Wimen jaialdian aritu dira, besteak beste. 2026an, Latinoamerikako musika alternatiboko hainbat izen esanguratsurekin egindako erremixen EP bat argitaratuko dute. Rezo al agua diskoan, Marina Molinak bere sorterria den Puerto Ricorekiko lotura sakona adierazten du: lurrarekiko, paisaiarekiko, kulturarekiko, sinesmenekiko eta komunitatearekiko atxikimendua. Horretarako, herrialdeko adierazpen musikal bereizgarrienetako bat den bomba erabiltzen du. Bomba esklabotzaren garaian sortu zen; zapalduek beren kezkak eta itxaropenak kontatzeko baliatu zuten, eskura zituzten tresnarik hurbilenekin, danborrekin. Genero zabal eta askotarikoa da, erritmo ugari biltzen dituena. Ekitaldi hau Bibraren inguruan garatzen da, Kutxa Fundazioaren programazio eszenikoaren barruan kokatzen den zikloa.