Daniel Fez: "ESTAMOS CUCÚ DE LA CABEZA"

Daniel Fezen umorezko ikuskizun berria bakarrizketa zorrotz eta gaur-gaurkoa da, denek guztiari buruz iritzia duten garai honetan bizirik irautea zein zaila den umorez kontatzen duena... Bereziki, garrantzirik ez duten kontuei buruz. Haserrealdiak, eztabaida zentzugabeak, drama digitalak eta mundu mailako gerrak pizten dituzten memeak. Gaur egun bizitzea nekagarria da, eta Daniel horretaz guztiaz barre egitera dator. Bere estilo bereizgarriari eutsiz —ironiaren, deseroso sentiarazten duen umorearen eta «lurrak irents nazala» uneen artean—, Danielek eguneroko kaosa algara bihurtzen du. Ikusleak ez dira ikusle hutsak: haien aitorpenak eta pasadizoak Danielen esku gera daitezke. Hark «entzuten dugu, baina ez dugu epaitzen» lelopean jasotzen ditu... edo, behintzat, hori saiatzen da. Hortik aurrera, edozer gerta daiteke. La vida regulinchi ikuskizunaren ondoren, inoiz baino zorrotzago, ezustekoz beteago eta zoroago itzuli da. 4,7 milioi jarraitzaile baino gehiago dituela, Daniel Fezek pantailako scroll-etik agertokira egin du jauzi, ondoen egiten dakiena egiteko: denaz barre egitea, bere buruaz hasita.