KOMODOR + RÁPIDA

KOMODOR (argazkian) Komodor rock bosteko bat da, Douarnenezen (Bretainia frantziarraren mendebaldeko muturrean) sortua. Beren soinuak, energia handikoa eta erretro kutsukoa, MC5, T. Rex, Ram Jam edo Grand Funk Railroad bezalako erreferentzietatik edaten du, gitarra gordinak, ahots-armonia bilbatuak eta groove organiko eta basatia uztartuz. Blues Pills taldearekin Suedian grabatutako izen bereko EP baten ondoren (2019), 2021eko abenduan lehen diskoa kaleratu zuten, "Nasty Habits", Rolling Stone, Rock & Folk edo Libération bezalako hedabideek goraipatua. 2026an bigarren diskoa atera zuten, "Time & Space", apur bat askeagoa eta pertsonalagoa den soinu batekin, beti ere ezaugarri duten energia leherkorra galdu gabe. Hellfest, Les Vieilles Charrues, Motocultor edo Freak Valley bezalako jaialdietan aritu dira, eta Frantzia, Espainia eta Alemanian zehar bira egin dute, Komodrag and the Mounodor proiektu paraleloa barne. RÁPIDA Rápida zuzenekorako bokazioarekin jaio da, zintzotasunetik eta intentsitatetik. Beren soinua nortasun ezberdinen talkatik sortzen da, rockean elkartuta, Detroit-etik Melbournera doazen eraginekin, basamortutik pasata. Miguel Moralek (Positiva, Highlights, Renegados, Sotomonte) sendotasuna eta ahots-zigilu berezia ekartzen ditu; Jorge Bueyk (Highlights, Boogie Riders) soul eta groove-a gehitzen ditu, baxu-lerro sendo baina etengabe mugimenduan daudenekin; Lander Cadenasek (Wreck Totem, Still River) taldearen pultsua markatzen du bateriarekin, eta Ander Apariciok (Retros) osatzen du taldea gitarrarekin marrakaka eginez. Bat, zero eta su-artifizioz betetako mundu honetan, Rápida ez dabil egokitzen: bolumenaren eta zuzenekoaren emozioaz dabil, pertsonak pertsonekin, eta mugitzen dituen musikarekiko pasio eta lanaz.