FusionArte 2026: HARRIBITXI

Alegría-Dulantziko 2026ko FusionArte jaialdiaren barne. Iker Álvarez González eta Aitor Urquiza musikariek osatutako bikoteak txistuaren eta musika tradizionalaren garaikidetasuna eta izaera bizia aldarrikatzen ditu bere eszenaratzean. Beraz, bere proposamena musika tradizional sortu berriaren konbinazioan (konpozizio propioak) eta formatu harrigarri eta dinamiko batera egokitutako errepertorio tradizional eta herrikoiko obra handien interpretazioan oinarritzen da. Horrela, ardatz nagusia txistua izanik, orain bere familiari dagozkion musika-tresnekin eta beste kultura eta tradizio batzuetako beste batzuekin batera agertzen da: danborrak, salterioa, danbolinak, panderetak, caxixia, kaxoia, platertxoak, shruti box indiarra, ahoko harpa, glockenspiela, bongoak, gitarra, mandolina eta beste batzuk. Alegria-Dulantzin egindako emanaldian, gure herriko dantza, antzerki eta koruko talde artistikoak batuko dira, benetako iluskizun parte-hartzaile eta multidiziplinarra sortuz.